+374 11 900 800 Զանգահարե՛ք մեզ
0
    • 1 տարի շուկայում,
      1 վաճառասրահ
    • Շուրջ 1
      ապրանքատեսակ
    • Մոտ 1 հայտնի
      ապրանքանիշներ
    • Թվով 1
      աշխատակից

     

    Մեր պատմությունը

    «Զիգզագ»-ը էլեկտրոնիկայի, կենցաղային, խոհանոցային, մոբայլ և  համակարգչային, տեխնիկայի, աուդիո և վիդեոտեխնիկայի, կենցաղային ու խոհանոցային այլ պարագաների վաճառասրահների ցանց է:

    Ընկերությունը համագործակցում է միջազգային առաջատար արտադրողների հետ և ակտիվ գործունեություն է ծավալում Հայաստանում: «Զիգզագ»-ն առաջարկում է միայն պաշտոնական ապրանք:

    «Զիգզագ»-ի առաջին վաճառասրահը բացվել է 1995թ. հուլիսի 12-ին ք. Երևանում՝ Սայաթ-Նովա 20 հասցեում: Այն ուներ ընդամենը 42քմ տարածք և երկու աշխատակից՝ մեկ վաճառող և մեկ գանձապահ: Այդ պահից ի վեր ընկերությունն, առևտրի ծավալների ու հաճախորդների թվի աճով պայմանավորված, ընդլայնվել է ու զարգացրել իր գործունեությունը՝ դառնալով հայկական շուկայի առաջատարներից մեկն իր ոլորտում։

    2012 թվականին «Զիգզագ»-ն առաջինը Հայաստանում և ամբողջ Անդրկովկասում ստեղծեց միջազգային չափանիշներին համապատասխանող ձևաչափով «Զիգզագ» Մեգասթոր, որը բացվեց  «Դալմա Գարդեն Մոլ» զվարճաառևտրային համալիրում, ներկայացնելով կենցաղային և էլեկտրոնային տեխնիկայի վաճառքի նոր ստանդարտներ սպառողին: Իսկ 2016 թվականին հաճախորդների կողմից արդեն սիրված ձևաչափով երկրորդ «Զիգզագ» Մեգասթորը բացվեց ՝ այս անգամ «Երևան Մոլ» զվարճաառևտրային համալիրում:

    Այսօր «Զիգզագ»-ը ներկայանում է էլեկտրոնային, կենցաղային և համակարգչային տեխնիկայի թվով 5 վաճառասրահների ցանցով և Սպասարկման կենտրոնով:

    Ստեղծման օրվանից ի վեր «Զիգզագ»-ը հավատարիմ է մնում իր՝ «Գնե՛ք որակյալ տեխնիկա», կարգախոսին, դառնալով որակի խորհրդանիշ:

     

    Մեր արժեքներն ու նպատակը

    Ընկերության համար առաջին պլանում միշտ հաճախորդն է։ «Զիգզագ»-ի առաքելությունն է հաճախորդի գնումները դարձնել ավելի հարմարավետ և մատուցել լավագույն սպասարկումը։

    Ի սկզբանե «Զիգզագ»-ը որդեգրել է բարեխիղճ և բարձրորակ ծառայությունների, շուկայում  նորարար էլեկտրոնային, մոբայլ և կենցաղային տեխնիկայի մատուցման սկզբունքները` ձգտելով ապահովել հաճախորդների գոհունակությունը և բարձր պահելով ընկերության արժեքները, թիմային ոգին ու  աշխատանքի որակը:

    «Զիգզագ»-յան արժեքներն են`

    Ապահովել որակյալ սպասարկում

    Լինել հաճախորդամետ

    Լինել առաջատար

    Լինել նորարար

    Բարձր պահել թիմային ոգին

    Արժևորել մարդկային ռեսուրսը

    Լինել հասարակության պատասխանատու անդամ

    Ընկերությունը միշտ խթանել է ու շարունակում է առաջ մղել Հայաստանի տնտեսությունը՝ միաժամանակ նպաստելով երկրի սոցիալական վիճակի բարելավմանը։ «Զիգզագ»-ը տարեցտարի ընդլայնվում է, ինչը թույլ է տալիս բացել նոր աշխատատեղեր, համագործակցել համաշխարհային ապրանքանիշերի հետ ու բարձրացնել Հայաստանի հեղինակությունը միջազգային հարթակում։


    Մեր ծառայությունները

    «Զիգզագ» ընկերության Սպասարկման կենտրոնը իրականացնում է կենցաղային ու էլեկտրոնային տեխնիկայի երաշխիքային և հետերաշխիքային սպասարկում, տեղադրում և վերանորոգում: Սպասարկման կենտրոնը ավտորիզացված է աշխարհի առաջատար ապրանքանիշերի կողմից:

    2020 թվականի մարտից գործում է նաև zigzag.am օնլայն-խանութը, որտեղ կարելի է գնել վաճառասրահներում ներկայացված ամբողջ տեսականին: Հայաստանում արտակարգ դրության ամբողջ ընթացքում «Զիգզագ»-ն իր օնլայն-խանութի միջոցով շարունակեց հաճախորդներին սպասարկել նույն որակով։

    «Զիգզագ»-ը կենցաղային տեխնիկայի ինտերնետ-առևտրի առաջատարներից մեկն է Հայաստանում։ Ընկերությունն իրականացնում է առաքում Հայաստանի ողջ տարածքում հաճախորդի համար հարմար սակագներով:

    Մեր վաճառասրահներում ներկայացված են համաշխարհային ճանաչում ունեցող 300-ից ավելի ապրանքանիշեր` Apple, Samsung, Sony, Bosch, Miele, Panasonic, Philips, Mitsubishi Heavy Industries, Xiaomi, JBL, Liebherr, Indesit, Ariston և այլն:

    «Զիգզագ»-ում ներկայացված է նաև մի շարք ապրանքանիշերի (Bosch, Indesit, Panasonic, Blaupunkt, Haier և այլն) էքսկլյուզիվ արտադրանք։

    Իսկ իր հաճախորդներին ապառիկ գնումներ կատարելու հնարավորություն ընձեռելու նպատակով «Զիգզագ»-ը համագործակցում է մի շարք առաջատար բանկերի հետ, ինչը հնարավորություն է տալիս առաջարկել տարբեր ճկուն և շահավետ պայմաններ:

     

    Մեր թիմը

    1995 թվականին «Զիգզագ»-ում աշխատում էր ընդհամենը 2 աշխատակից։ Այս տարիների ընթացքում «Զիգզագ»-ը փոքր խանութից վերածվեց վաճառասրահների մեծ ցանցի, իսկ աշխատակիցների թիվն ընկերությունում այժմ 270-ից ավելի է: Ընկերության մատուցած ծառայությունների բարձր որակն ապահովում են հենց այդ աշխատակիցները, ովքեր ամեն օր ջանք չեն խնայում հաճախորդների հարմարավետությունն ապահովելու համար։

    «Զիգզագ»-ը գալակտիկա է, որտեղ ամեն մի աշխատակից մոլորակ է։

    Առողջ ապրելակերպի խթանման շրջանակներում «Զիգզագ»-ի աշխատակիցները հաճախում են ֆուտբոլային մարզումների և մասնակցում են բազմաթիվ սպորտային միջոցառումների՝ վազքի ու հեծանվային մարաթոններ և այլն։ Ամեն տարի «Զիգզագ»-ի վաճառասրահների, գլխամասային գրասենյակի, սպասարկման կենտրոնի ու պահեստի թիմերը մասնակցում են ներքին ֆուտբոլային առաջնությանը:

    «Զիգզագ»-ի աշխատակիցները տարվա ընթացքում 2 և ավելի անգամ մասնակցում են թրեյնինգների ու վերապատրաստումների, որ իրականացնում են պաշտոնական մատակարարներն ու ապրանքանիշերի ներկայացուցիչները։

     

    Մենք՝ որպես հասարակության անդամ

    Լինելով խոշոր ընկերություն՝ «Զիգզագ»-ը կրում է հասարակության հանդեպ բարձր սոցիալական պատասխանատվություն, պարբերաբար մասնակցելով սոցիալական ուղղվածության տարբեր միջոցառումների՝

    «Միսս Հայք» հաշմանդամություն ունեցող կանանց գեղեցկության մրցույթը,

    «Ես եմ» միջազգային երիտասարդական ամենամյա կինոփառատոնը,

    Bosch ընկերության հետ համատեղ իրականացված «Կանաչ օր» բնապահպանական միջոցառումը Երևանի դպրոցականների հետ,

    Eco Aghb/Էկո Աղբ սոցիալական ձեռնարկության առաջին կայուն հովանավոր,

    Տարուց ավելի «Զիգզագ»-ը տեսակավորում է թափոններն ու հանձնում վերամշակման։ Ընկերությունը մասնակցում է շաբաթօրյակների։

     

    Մեր գործընկերները

    Հայաստանյան բազմաթիվ մեծ ու փոքր ընկերություններ վստահում են «Զիգզագ»-ի որակին ու տարիներ շարունակ համագործակցում են ընկերության հետ։

    «Զիգզագ»-ը համագործակցում է համաշխարհային ճանաչում ունեցող այնպիսի ապրանքանիշերի հետ, ինչպիսիք են Apple, Samsung, Sony, Bosch, Miele, Canon, Panasonic, Philips, Mitsubishi Heavy Industries, Beats, Xiaomi, JBL, Benq, Liebherr, Indesit, Ariston և այլն:

    «Զիգզագ»-ի գործընկերներն են Հայաստանի առաջատար բանկեր՝ Ameriabank, Inecobank, Artsakhbank, VTB Bank Armenia և Acba-Credit Agricole Bank, և զվարճաառևտրային համալիրներ՝ «Դալմա Գարդեն Մոլ», «Երևան Մոլ»։