FAQ

• Ինչպե՞ս գրանցվել կայքում

  Գրանցվելու համար անհրաժեշտ է վերևի աջ անկյունում սեղմել «Մուտք» կոճակի վրա, ինչից հետո կբացվի պատուհան։ Ընտրե՛ք «Գրանցվել» կոճակն ու կհայտնվեք նախատեսված էջում, որտեղ պետք է մուտքագրել Ձեր տվյալները:
  
  Լրացված լիարժեք տեղեկությունը թույլ կտա մեզ պատվերն իրականացնել Ձեզ համար առավել հարմար և արագ եղանակով: 

• Ինչպե՞ս պատվիրել

  Ապրանքի առանձնահատկություններին ծանոթանալուց և ընտրություն կատարելուց հետո հարկավոր է միայն սեղմել «Գնել» կոճակը: Ապրանքը կտեղափոխվի Ձեր անձնական էջի զամբյուղ։
  
  Սեղմե՛ք զամբյուղի վրա։
  
  Զամբյուղում կարող եք կարգավորել պատվիրվող ապրանքների քանակը, տեսնել ընդհանուր արժեքը, այնուհետև հաստատել պատվերը՝ սեղմելով «Շարունակել գնումը» կոճակը։
  
  Եթե դեռ չեք գրանցվել կայքում, կբացվի տվյալների լրացման դաշտը, որտեղ, լրացնելով անհրաժեշտ անձնական տվյալները, կկարողանաք ավարտին հասցնել գրանցման գործընթացը:
  
  Պատվերն ավարտելու համար անհրաժեշտ է ընտրել առաքման և վճարման եղանակները, այնուհետև սեղմել «Իրականացնել պատվերը հիմա» կոճակը:

• Ինչպե՞ս վճարել գնումների համար

  Գործում են վճարման հետևյալ եղանակները`

  • Կանխիկ՝ առաքման ժամանակ
  • Քարտով՝ առաքման ժամանակ
  • Քարտով՝ կայքում
  • Idram վճարային համակարգի միջոցով
  • Telcell վճարային համակարգի միջոցով
  • Օնլայն ապառիկի ձևակերպում
  • Բանկային փոխանցում «Զիզգագ» ՍՊԸ-ի հաշվեհամնարին

   

  Սպասարկվող վճարային համակարգեր՝

  

• Ինչպե՞ս է իրականացվում առաքումը

  Առաքման եղանակը ընտրում եք Դուք՝ պատվերի լրացման և վճարման ընթացքում:
  
  Ստանդարտ առաքում. պատվերն իրականացվում է մինչև 48 ժամվա ընթացքում՝ նախապես համաձայնեցնելով առաքման հարմար ժամը:
  
  Երևանում առաքումն իրականացվում է՝
  անվճար՝ 30,000 դրամ և ավելի գնման դեպքում,
  1200 դրամ՝ մինչև 30,000 դրամի գնման դեպքում։
  
  Մարզերում առաքման ծառայության արժեքը կախված է առաքման վայրի հեռավորությունից։ Զամբյուղում տվյալների լրացման դաշտում մուտքագրելով անհրաժեշտ տվյալները (մարզ, քաղաք/գյուղ, հասցե) կտեսնեք առաքման արժեքը։ Սակագներին կարող եք ծանոթանալ նաև զանգահարելով +374 11 900 800 հեռախոսահամարով։
  
  Ինքնառաքում․ առաքումն իրականացվում է «Զիգզագ»  վաճառասրահի Ձեր նշած մասնաճյուղ, որտեղից էլ կարող եք վերցնել պատվերը։ 
  
  Առաքման տվյալ տեսակն անվճար է:

• Ինչպե՞ս ստանալ խորհրդատվություն

  Մեր մասնագետները մշտապես պատրաստ են աջակցելու Ձեզ`գնումների ընթացքում ծագած հարցում:
  
  Խորհրդատվություն ստանալու համար կարող եք զանգահարել յուրաքանչյուր օր ժամը 10:00-ից 22:00-ը հետևյալ հեռախոսահամարին՝ +374 11 900 800, կամ թողնել Ձեր հարցը անձնական հաղորդագրության տեսքով: Մեր մասնագետները կարճ ժամանակահատվածում կապ կհաստատեն Ձեզ հետ:
  
  Եթե սոցկայքերում Ձեր հարցը թողել եք ոչ աշխատանքային օրը, ապա Ձեր նամակին կպատասխանեն հաջորդող աշխատանքային օրվա ընթացքում։

• Ինչպե՞ս դիմեմ վերանորոգելու համար

  «Զիգզագ»-ում  ներկայացված ամբողջ տեսականու համար գործում է երաշխիքային սպասարկում՝ երաշխիքային կտրոնում նշված ժամկետների սահմաններում։
  
  Դիմե՛ք Զիգզագի Սպասարկման կենտրոն՝ զանգահարելով 8833 հեռախոսահամարով:
  
  Սպասարկման կենտրոնը գտնվում է ք․ Երևան, Ծիծեռնակաբերդի խճուղի 3, «Դալմա Գարդեն Մոլ» (մուտքը՝ առևտրի կենտրոնի հետնամասի ավտոկայանատեղիից):
  
  Աշխատաժամերն են`
  Երկ Երք Չրք Հնգ Ուրբ Շբթ (10:00-19:00)
  Կիր` ոչ աշխատանքային։

• Ինչպե՞ս ձևակերպել ապառիկ

  Ապառիկ գնումների մասին տեղեկություն ստանալու համար կայքի վերևի հատվածում սեղմե՛ք «Ապառիկ» կոճակը։ Բացված էջում Դուք կգտնեք տեղեկություն ապառիկի պայմանների վերաբերյալ։
  
  Ապառիկի գնման, ամսական վճարների վերաբերյալ տեղեկություն ստանալու համար զանգահարե՛ք (կամ այցելեք) մեր վաճառասրահներից ցանկացածը: Մեզ կարող եք զանգահարել +374 11 900 800 հեռախոսահամարով:

• Ինչպե՞ս ձևակերպել օնլայն ապառիկ

  Ընտրելով  ապրանքը կամ ապրանքները, լրացնելով անհրաժեշտ դաշտերը՝ որպես վճարման եղանակ կարող եք ընտրել նաև «Օնլայն Ապառիկ»  վճարային տարբերակը, ինչից հետո zigzag.am կայքից անմիջապես կտեղափոխվեք ՎՏԲ բանկի հայտի լրացման էջ, որտեղ մանրամասն ներկայացված է անհրաժեշտ քայլերի հերթականությունը։
  
  Օնլայն ապառիկ ձևակերպելու հնարավորությունը գործում է ՎՏԲ-Հայաստան բանկի միջոցով (եթե գնման արժեքի համագումարը կազմում է 30,000 դրամ և ավելի)։

• Փոխանակում կամ վերադարձ կարո՞ղ եմ անել

  Սպառողն իրավունք ունի «Սպառողների իրավունքների պաշտպանության մասին» ՀՀ օրենքով (այսուհետ՝ «Օրենք») սահմանված կարգով 14 օրվա ընթացքում վերադարձնել կամ փոխարինել պատշաճ որակի ոչ պարենային ապրանքը, ինչպես նաև հրաժարվել առուվաճառքի առցանց կամ հեռակա պայմանագրից՝ Օրենքով նախատեսված պայմանների պահպանմամբ։ Օրենքի համապատասխան կարգավորումներին կարող եք ծանոթանալ այստեղ։

  14-օրյա ժամկետում պատշաճ որակի ոչ պարենային ապրանքը կարող է փոխարինվել կամ վերադարձվել, եթե՝

  • ապրանքը չի օգտագործվել,

  • պահպանված են ապրանքի ապրանքատեսքը և սպառողական հատկանիշները,

  • պահպանված են կապարակնիքները և ապրանքային պիտակները,

  • առկա է սպառողին տրված վճարման փաստը հավաստող փաստաթուղթը կամ այլ հաշվարկային փաստաթուղթ,

  • առկա են տվյալ ապրանքը հենց այդ վաճառողից ձեռք բերելու մասին ապացույցներ։

   

  Առուվաճառքի առցանց կամ հեռակա պայմանագրից 14 օրվա ընթացքում հրաժարվելու իրավունքը չի գործում Օրենքի 24.9-րդ հոդվածով նախատեսված դեպքերում։ Վերադարձի կամ փոխարինման ենթակա չեն նաև ՀՀ կառավարության 30.01.2002 թվականի թիվ 77 որոշմամբ նախատեսված ապրանքները, այդ թվում՝ անձնական հիգիենայի առարկաները՝ համաձայն  սահմանված ապրանքացանկի։

  Առցանց կամ հեռակա Պայմանագրից հրաժարվելու դեպքում ապրանքը վերադարձնելու հետ կապված ծախսերը կրում է սպառողը։ Սպառողը կրում է նաև այն ծախսերը, որոնք առաջացել են ապրանքը ոչ իր նպատակային նշանակությամբ օգտագործելու հետևանքով ապրանքի արժեքի նվազեցման արդյունքում։

  Առցանց կամ հեռակա Պայմանագրից հրաժարվելու դեպքում սպառողին վերադարձման ենթակա չեն այն լրացուցիչ ծախսերը, որոնք առաջացել են վաճառողի կողմից առաջարկվող ստանդարտ առաքման տեսակից տարբերվող առաքման այլ տեսակ սպառողի կողմից ընտրելու հետևանքով։

   

  Լրացուցիչ տեղեկատվություն տեխնիկապես բարդ ապրանքների վերաբերյալ

  Օրենքի 16-րդ հոդվածի 1-ին կետի «ե» ենթակետին համապատասխան՝ էական խախտումներով ոչ պատշաճ որակի ապրանք վաճառելու դեպքում պատճառված վնասների հատուցման պահանջը բավարարելու ենթակա՝ տեխնիկապես բարդ ապրանքների դեպքում սպառողի՝ ապրանքը նմանօրինակ կամ այլ մոդելի ապրանքով փոխարինելու, ինչպես նաև առուվաճառքի պայմանագիրը լուծելու և վճարված գումարը վերադարձնելու պահանջները ենթակա են բավարարման ապրանքում էական խախտումների հայտնաբերման դեպքում՝ համաձայն ՀՀ կառավարության 18.02.2002 թվականի թիվ 140 որոշմամբ հաստատված տեխնիկապես բարդ ապրանքների անվանացանկի։

• Ինչպե՞ս գտնեմ ինձ հետաքրքրող մոդելը/մոդելները

  Կայքի վերևի մասում կա «Որոնում» հատվածը։ Հավաքե՛ք հետաքրքրող մոդելի կամ ապրանքատեսակի անվանումը ու սեղմե՛ք կոճակը։
  
  Բացի այդ, կայքի վերևի հատվածում՝ կապույտ ժապավենի վրա ձախից, Դուք կտեսնեք «Կատալոգ» կոճակը։ Սեղմելով այն, կայքը կառաջարկի ապրանքատեսակների ցանկ։ Ընտրե՛ք ու սեղմե՛ք ապրանքատեսակի վրա, ինչից հետո կհայտնվեք համապատասխան էջում։ Ապրանքատեսակի մոդելներից ձախ Դուք կտեսնեք ֆիլտրեր։ Ընտրելով համապատասխան ֆիլտրերը` Դուք կարող եք գտնել Ձեզ հետաքրքրող մոդելը։